ghubaar-e-zindagi mein lailaa-e-maqsud kyaa maani — Mumtaz Ahmad Khan Khushtar

gham-o-karb-o-alam se duur apni zindagi kyuun ho
yahi jiine kaa saamaan hain to phir in mein kami kyuun ho

usi ko ham samajh lete hain apnaa saadgi dekho
jo apne saath raah-e-shauq mein do gaam aataa hai

gham na apnaa na ab khushi apni
yaani duniyaa badal gai apni

kahaan rah jaae thak kar rah-navard-e-gham khudaa jaane
hazaaron manzilein hain manzil-e-aaraam aane tak

jab se fareb-e-zist mein aane lagaa huun main
khud apni mushkilon ko baDhaane lagaa huun main

jis ne ji bhar ke tajalli ko kabhi dekhaa ho
koi aisaa bhi tiri jalva-gah-e-naaz mein hai

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

jo paDhaa hai use jiinaa hi nahin hai mumkin
zindagi ko main kitaabon se alag rakhtaa huun

chhiDaa jab un ke ghar jhagDaa to un ki aql chakraai
jo suljhaate rahe the umr-bhar baazaar kaa jhagDaa

tamaam umr tiri ham-rahi kaa shauq rahaa
magar ye ranj ki main mauja-e-sabaa na huaa