jab se fareb-e-zist mein aane lagaa huun main — Mumtaz Ahmad Khan Khushtar

ghubaar-e-zindagi mein lailaa-e-maqsud kyaa maani
vo divaane hain jo is gard ko mahmil samajhte hain

gham-o-karb-o-alam se duur apni zindagi kyuun ho
yahi jiine kaa saamaan hain to phir in mein kami kyuun ho

usi ko ham samajh lete hain apnaa saadgi dekho
jo apne saath raah-e-shauq mein do gaam aataa hai

gham na apnaa na ab khushi apni
yaani duniyaa badal gai apni

kahaan rah jaae thak kar rah-navard-e-gham khudaa jaane
hazaaron manzilein hain manzil-e-aaraam aane tak

jis ne ji bhar ke tajalli ko kabhi dekhaa ho
koi aisaa bhi tiri jalva-gah-e-naaz mein hai

main apni aankhon se apnaa zavaal dekhtaa huun
main bevafaa huun magar be-khabar na jaan mujhe

vo mujhe pyaar se dekhe bhi to phir kyaa hogaa
mujh mein itni bhi sakat kab hai ki dhokaa khaaun

ek muddat mein parakhne kaa shuur aataa hai
bevafaa kah duun unhein pahli nazar mein kaise

dhokaa na khaao chaaraagaro vaaqiaat se
pahlu mein dil nahin hai to kyaa dard bhi nahin

tu aur chashm-e-lutf nai vaardaat hai
meri nigaah ne mujhe dhokaa diyaa na ho

ghunchon kaa fareb-e-husn tauba kaanTon se nibaah chaahtaa huun
dhoke diye hain doston ne dushman ki panaah chaahtaa huun