kisi akeli shaam ki chup mein — Muneer Niyazi

meri saari zindagi ko be-samar us ne kiyaa
umr meri thi magar us ko basar us ne kiyaa

sukhan mein sahl nahin jaan nikaal kar rakhnaa
ye zindagi hai hamaari sambhaal kar rakhnaa

shaayad ki khudaa mein aur mujh mein
ik jast kaa aur faasla hai

tum ham-safar hue to hui zindagi aziiz
mujh mein to zindagi kaa koi hausla na thaa

jis ko milnaa nahin phir us se mohabbat kaisi
sochtaa jaaun magar dil mein basaae jaaun

ik tez raad jaisi sadaa har makaan mein
logon ko un ke ghar mein Daraa denaa chaahiye

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maarka garm to ho lene do khun-rezi kaa
pahle shamshir ke niche hamin jaa baiTheinge

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

gul kiyaa jis ne vo thaa aur magar
shama ne shikva havaaon se kiyaa

sar-e-shaam luT chukaa huun sar-e-aam luT chukaa huun
ki Dakait ban chuke hain kai shahr ke sipaahi

kahti hai ye shaam ki narm havaa phir mahkegi is ghar ki fazaa
nayaa kamra sajaa nai shama jalaa tire chaahne vaale aur bhi hain