hindostaan mein daulat o hashmat jo kuchh ki thi — Mushafi Ghulam Hamdani

ham bhi ai jaan-e-man itne to nahin naakaara
kabhi kuchh kaam tu ham ko bhi to farmaayaa kar

jitnaa ki ye duniyaa mein hamein khvaar rakhe hai
itne to gunahgaar zamaane ke nahin ham

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

lailaa chali thi haj ke liye jazb-e-ishq se
naaqa machal ke najd ki manzil mein rah gayaa

apni to is chaman mein nit umr yunhi guzri
yaan aashiyaan banaayaa vaan aashiyaan banaayaa

pichhaa kisi tarah ye miraa chhoDtaa nahin
haathon se ishq ke koi jaave kahaan nikal

jab ki pahlu se yaar uThtaa hai
dard be-ikhtiyaar uThtaa hai

saadgi o purkaari be-khudi o hushyaari
husn ko taghaaful mein jurat-aazmaa paayaa

ham chhanaalon ki chhoD di yaari
nafs ko maar kar kyaa murdaa

bhuul shaayad bahut baDi kar li
dil ne duniyaa se dosti kar li

phir chhu gayaa hai pyaar se koi zamin-e-dil
khilne lage hain dasht mein phir mogre ke phuul

main khvaab mein bhi use khul ke pyaar kar na sakaa
ki shankh bajne lagaa aur azaan hone lagi