aql kahti hai dobaara aazmaanaa jahl hai — Mahirul Qadri

agar khamosh rahun main to tu hi sab kuchh hai
jo kuchh kahaa to tiraa husn ho gayaa mahdud

naqaab-e-rukh uThaayaa jaa rahaa hai
vo nikli dhuup saayaa jaa rahaa hai

ye kah ke dil ne mire hausle baDhaae hain
ghamon ki dhuup ke aage khushi ke saae hain

ik baar tujhe aql ne chaahaa thaa bhulaanaa
sau baar junun ne tiri tasvir dikhaa di

yahi hai zindagi apni yahi hai bandagi apni
ki un kaa naam aayaa aur gardan jhuk gai apni

ibtidaa vo thi ki jiine ke liye martaa thaa main
intihaa ye hai ki marne ki bhi hasrat na rahi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

apne ehsaas ki shiddat ko bujhaane ke liye
main nai tarz ke khush-fikr risaale maangon

ai shaaer! teraa dard baDaa ai shaaer! teri soch baDi
ai shaaer! tere siine mein is jaisaa laakh bahe dariyaa

avvalin chaal se aage nahin sochaa main ne
ziist shatranj ki baazi thi so main haar gayaa

avval avval 'ilm faqat ik nuqta thaa
aakhir aakhir jehl banaa taavilon se