pyaar karne vaalon kaa sirf ek sahraa hai — Muzafarunnisa Naz

qadam uThaae hain ham ne bhi is yaqin ke saath
jahaan se guzreinge ham teri rahguzar hogi

shahr ki bhiiD mein aankhein jise kho deti hain
dil ke aangan mein vahi shakhs khaDaa hotaa hai

na guftugu mein tasalli na khaamushi mein sadaa
suluk-e-dost kaa andaaz hi niraalaa hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

kitaab-e-ishq mein har aah ek aayat hai
par aansuon ko huruf-e-muqattiaat samajh

maza to ishq kaa tab hai ki ek pal ko sahi
jhuki nazar vo uThaa dein aur main salaam karun

ek hi din milaa mohabbat ko
saal bhar ki thakan utaari gai

sach hai ki mohabbat mein nahin koi kisi kaa
paighaam zamaane ko main detaa huun khushi kaa