na guftugu mein tasalli na khaamushi mein sadaa — Muzafarunnisa Naz

qadam uThaae hain ham ne bhi is yaqin ke saath
jahaan se guzreinge ham teri rahguzar hogi

shahr ki bhiiD mein aankhein jise kho deti hain
dil ke aangan mein vahi shakhs khaDaa hotaa hai

pyaar karne vaalon kaa sirf ek sahraa hai
saare shahr us ke hain saari bastiyaan us ki

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

sone se jaagne kaa ta'alluq na thaa koi
saDkon pe apne khvaab liye bhaagte rahe

dekhaa na tujhe ai rab ham ne haan duniyaa teri dekhi hai
saDkon par bhuke bachche bhi koThe par abla naari bhi

mire mah o saal ki kahaani ki dusri qist is tarah hai
junun ne rusvaaiyaan likhi thiin khirad ne tanhaaiyaan likhi hain