apne hone se bhi inkaar kiye jaate hain — Naeem Sarmad

kaisi biptaa paal rakhi hai qurbat ki aur duuri ki
khushbu maar rahi hai mujh ko apni hi kasturi ki

ab ki sardi mein kahaan hai vo alaav siina
ab ki sardi mein mujhe khud ko jalaanaa hogaa

jaanne vaale maanne vaalon se afzal hai dhyaan rahe
majnun mat ban hosh mein rah aur phir laila kaa bhed samajh

vo ek laDki jo mar rahi hai hayaa ke maare
vo ek laDkaa jo dekhne par tulaa huaa hai

ham logon ko paani achchhaa lagtaa hai
ham logon ne miTTi pahni hui hai dost

main ik khvaab huun teraa dekhaa huaa huun
tu ik niind hai mujh mein soi paDi hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kitni faraakh-dil huun main 'farah'-ji pyaar mein
hairat hai us ki chaah mein kitni niDar hui

main chaahe us mein nahin huun shaamil
magar vo dil ke nisaab mein hai

uThaa parda to mahshar bhi uThegaa dida-e-dil mein
qayaamat chhup ke baiThi hai naqaab-e-ru-e-qaatil mein

us se milne kaa bahaana chaahe
dil vahi dard puraanaa chaahe