ham logon ko paani achchhaa lagtaa hai — Naeem Sarmad

kaisi biptaa paal rakhi hai qurbat ki aur duuri ki
khushbu maar rahi hai mujh ko apni hi kasturi ki

ab ki sardi mein kahaan hai vo alaav siina
ab ki sardi mein mujhe khud ko jalaanaa hogaa

jaanne vaale maanne vaalon se afzal hai dhyaan rahe
majnun mat ban hosh mein rah aur phir laila kaa bhed samajh

vo ek laDki jo mar rahi hai hayaa ke maare
vo ek laDkaa jo dekhne par tulaa huaa hai

main ik khvaab huun teraa dekhaa huaa huun
tu ik niind hai mujh mein soi paDi hai

vo jo ik baat hai jo tujh ko bataai na gai
vo jo ik raaz hai jo khul na sakaa vahshat hai

jab ki pahlu se yaar uThtaa hai
dard be-ikhtiyaar uThtaa hai

jo kahaa main ne ki pyaar aataa hai mujh ko tum par
hans ke kahne lagaa aur aap ko aataa kyaa hai

samajhte hain sheron ko bhi narm chaara
ghazaalaan-e-shahri se hoshyaar rahnaa

maston mein phuuT paD gai aate hi yaar ke
laDtaa hai aaj shishe se shisha sharaab kaa

ziist se tang ho ai 'daagh' to jiite kyuun ho
jaan pyaari bhi nahin jaan se jaate bhi nahin

main huun bhi aur nahin bhi ajiib baat hai ye
ye kaisaa jabr hai main jis ke ikhtiyaar mein huun