kisi se rasm-o-rah-e-dosti to kyaa karte — Naresh Kumar Shad

mahfil un ki saaqi un kaa
aankhein apni baaqi un kaa

tufaan-e-gham ki tund havaaon ke baavajud
ik sham-e-aarzu hai jo ab tak bujhi nahin

ye soch kar bhi hans na sake ham shikasta-dil
yaaraan-e-gham-gusaar kaa dil TuuT jaaegaa

tu mire gham mein na hansti hui aankhon ko rulaa
main to mar mar ke bhi ji saktaa huun meraa kyaa hai

tiraa hijr meraa nasib hai tiraa gham hi meri hayaat hai
mujhe teri duuri kaa gham ho kyon tu kahin bhi ho mire paas hai

itnaa bhi naa-umid dil-e-kam-nazar na ho
mumkin nahin ki shaam-e-alam ki sahar na ho

jab ki pahlu se yaar uThtaa hai
dard be-ikhtiyaar uThtaa hai

chashm o rukhsaar ke azkaar ko jaari rakkho
pyaar ke naame ko doharaao ki kuchh raat kaTe

ab kaargah-e-dahr mein lagtaa hai bahut dil
ai dost kahin ye bhi tiraa gham to nahin hai

miyaan us shakhs se hoshiyaar rahnaa
sabhi se jhuk ke jo miltaa bahut hai

jahaan jahaan koi urdu zabaan boltaa hai
vahin vahin miraa hindostaan boltaa hai

baDaa hi farq hai ai yaar ham donon ke jazbon mein
tumhein mujh se mohabbat thi mujhe tum se mohabbat hai