itnaa bhi naa-umid dil-e-kam-nazar na ho — Naresh Kumar Shad

tufaan-e-gham ki tund havaaon ke baavajud
ik sham-e-aarzu hai jo ab tak bujhi nahin

ye soch kar bhi hans na sake ham shikasta-dil
yaaraan-e-gham-gusaar kaa dil TuuT jaaegaa

tu mire gham mein na hansti hui aankhon ko rulaa
main to mar mar ke bhi ji saktaa huun meraa kyaa hai

tiraa hijr meraa nasib hai tiraa gham hi meri hayaat hai
mujhe teri duuri kaa gham ho kyon tu kahin bhi ho mire paas hai

khudaa se log bhi khaaif kabhi the
magar logon se ab khaaif khudaa hai

mahfil un ki saaqi un kaa
aankhein apni baaqi un kaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

apne sabhi gile bajaa par hai yahi ki dilrubaa
meraa tiraa moaamla ishq ke bas kaa thaa nahin

jab milaa husn bhi harjaai to us bazm se ham
ishq-e-aavaara ko betaab uThaa kar le aae

ishq maashuq ishq aashiq hai
yaani apnaa hi mubtalaa hai ishq

ishq mein ji ko sabr o taab kahaan
us se aankhein laDin to khvaab kahaan