tanhaai ke lamhaat kaa ehsaas huaa hai — Naseem Shahjahanpuri

sar-e-mahshar agar pursish hui mujh se to kah dungaa
saraapaa jurm huun ashk-e-nadaamat le ke aayaa huun

main ne maanaa aap ne sab kuchh bhulaa Daalaa magar
ghair-mumkin hai kabhi meraa khayaal aataa na ho

vo zulm bhi ab zulm ki had tak nahin karte
aakhir unhein kis baat kaa ehsaas huaa hai

kisi ke ishq mein ye haal-e-zaar rahtaa hai
sukun paa ke bhi dil be-qaraar rahtaa hai

kuchh khud bhi huun main ishq mein afsurda o ghamgin
kuchh talkhi-e-haalaat kaa ehsaas huaa hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

in talkh aansuon ko na yuun munh banaa ke pi
ye mai hai khud-kashid ise muskuraa ke pi

aur to paas mire hijr mein kyaa rakkhaa hai
ik tire dard ko pahlu mein chhupaa rakkhaa hai

chupke chupke raat din aansu bahaanaa yaad hai
ham ko ab tak aashiqi kaa vo zamaanaa yaad hai