us ne khat mein bheje hain — Nazeer Qaisar

jab vo saath hotaa hai
ham akele hote hain

khvaab kyaa thaa jo mire sar mein rahaa
raat bhar ik shor saa ghar mein rahaa

rang laai hai hasrat-e-taamir
gir rahi hain imaaratein kyaa kyaa

patthar hotaa jaataa huun
hansne do yaa rone do

nayaa libaas pahan kar bhi
duniyaa vahi puraani hai

yuun tujhe dekh ke chaunk uThti hain soi yaadein
jaise sannaaTe mein aavaaz lagaa de koi

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

us ko sochun to dhyaan mein mere
khushbu aati hai pahli baarish ki

rok do ye raushni ki tez dhaar
meri miTTi mein gundhi hai raat bhi

kahun ai zauq kyaa haal-e-shab-e-hijr
ki thi ik ik ghaDi sau sau mahine