kitne aalam guzar gae mujh par — Neel Ahmed

mire siine se lag kar der tak roti hai tanhaai
kisi ne kah diyaa us se mohabbat ho gai mujh ko

havaa kaa rang nahin hai magar mizaaj to hai
havaa se dosti karnaa koi mazaaq nahin

qaid kar lo mujhe khayaalon mein
is jahaan se rihaai mil jaae

apni aankhein nahin jalaaungi
main ne bujhte charaagh dekhe hain

sukut-e-shahr-e-dil ki bebasi ko bhi koi samjhe
khaamushi bolti hai to bhalaa kyaa kyaa nahin kahti

aur phir mohabbat mein ji ke mar ke dekhaa hai
log sochte hain jo ham ne kar ke dekhaa hai

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

qatl karne kaa iraada hai magar sochtaa huun
tu agar aae to haathon mein jhijak paidaa ho

savaal karti kai aankhein muntazir hain yahaan
javaab aaj bhi ham soch kar nahin aae

un se mil kar aur bhi kuchh baDh gaiin
uljhanein fikrein qayaas-aaraaiyaan

zamaane ko tamannaa hai tiraa didaar karne ki
mujhe ye fikr hai mujh ko miraa didaar ho jaae