qatl karne kā irāda hai magar sochtā huuñ — Shayari Of Saqi Faruqi

maiñ ne chāhā thā ki ashkoñ kā tamāshā dekhūñ
aur āñkhoñ kā ḳhazāna thā ki ḳhālī niklā

vahī jiine kī āzādī vahī marne kī jaldī hai
divālī dekh lī ham ne dasahre kar liye ham ne

ḳhudā ke vāste mauqā na de shikāyat kā
ki dostī kī tarah dushmanī nibhāyā kar

vahī āñkhoñ meñ aur āñkhoñ se poshīda bhī rahtā hai
mirī yādoñ meñ ik bhūlā huā chehrā bhī rahtā hai

pyaas baḌhtī jā rahī hai bahtā dariyā dekh kar
bhāgtī jaatī haiñ lahreñ ye tamāshā dekh kar

nāmoñ kā ik hujūm sahī mere ās-pās
dil sun ke ek naam dhaḌaktā zarūr hai

vatan kī fikr kar nādāñ musībat aane vaalī hai
tirī barbādiyoñ ke mashvare haiñ āsmānoñ meñ

vo na aa.egā hameñ ma.alūm thā is shaam bhī
intizār us kā magar kuchh soch kar karte rahe

ye ham jo peT se hī sochte haiñ shaam o sahar
kabhī to jā.eñge is dāl-bhāt se aage

qatra apnā bhī haqīqat meñ hai dariyā lekin
ham ko taqlīd-e-tunuk-zarfi-e-mansūr nahīñ

zamāna aql ko samjhā huā hai mish.al-e-rāh
kise ḳhabar ki junūñ bhī hai sāhib-e-idrāk

guzar jā aql se aage ki ye nuur
charāġh-e-rāh hai manzil nahīñ hai!