sukut-e-shahr-e-dil ki bebasi ko bhi koi samjhe — Neel Ahmed

mire siine se lag kar der tak roti hai tanhaai
kisi ne kah diyaa us se mohabbat ho gai mujh ko

havaa kaa rang nahin hai magar mizaaj to hai
havaa se dosti karnaa koi mazaaq nahin

qaid kar lo mujhe khayaalon mein
is jahaan se rihaai mil jaae

apni aankhein nahin jalaaungi
main ne bujhte charaagh dekhe hain

kitne aalam guzar gae mujh par
tum ko sochaa thaa ek lamhe ko

aur phir mohabbat mein ji ke mar ke dekhaa hai
log sochte hain jo ham ne kar ke dekhaa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kisi ko saal-e-nau ki kyaa mubaarakbaad di jaae
calender ke badalne se muqaddar kab badaltaa hai

ashk Dhalte nahin dekhe jaate
dil pighalte nahin dekhe jaate

sitam hai sitam kaaba-e-dil kaa Dhaanaa
ye kyaa kar rahe ho ye kyaa ho rahaa hai

dil ko apne kyaa kisi kaa ghar kahun
aaj khalvat-khaana kal baazaar hai