siine se dil nikaal ke haathon pe rakh diyaa — Neel Ahmed

dil ki udaasiyon kaa koi sabab nahin hai
bas ye sabab hai mere dil ki udaasiyon kaa

aur phir mohabbat mein ji ke mar ke dekhaa hai
log sochte hain jo ham ne kar ke dekhaa hai

mire siine se lag kar der tak roti hai tanhaai
kisi ne kah diyaa us se mohabbat ho gai mujh ko

havaa kaa rang nahin hai magar mizaaj to hai
havaa se dosti karnaa koi mazaaq nahin

qaid kar lo mujhe khayaalon mein
is jahaan se rihaai mil jaae

main jal gai huun dhuup ki kirnon se jaa-ba-jaa
aur vo samajh rahe hain ki rangat nikhar gai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil ki haalat se khabar deti hai
'asar' aashufta-bayaani meri

surat chhupaaiye kisi surat-parast se
ham dil mein naqsh aap ki tasvir kar chuke

jab mile do dil mukhil phir kaun hai
baiTh jaao khud hayaa uTh jaaegi

misl-e-majnun jo pareshaan hai bayaabaan mein aaj
kyuun dilaa kaun samaayaa hai tire dhyaan mein aaj