dil ki udaasiyon kaa koi sabab nahin hai — Neel Ahmed

aur phir mohabbat mein ji ke mar ke dekhaa hai
log sochte hain jo ham ne kar ke dekhaa hai

mire siine se lag kar der tak roti hai tanhaai
kisi ne kah diyaa us se mohabbat ho gai mujh ko

havaa kaa rang nahin hai magar mizaaj to hai
havaa se dosti karnaa koi mazaaq nahin

qaid kar lo mujhe khayaalon mein
is jahaan se rihaai mil jaae

apni aankhein nahin jalaaungi
main ne bujhte charaagh dekhe hain

main jal gai huun dhuup ki kirnon se jaa-ba-jaa
aur vo samajh rahe hain ki rangat nikhar gai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

gham mujhe hasrat mujhe vahshat mujhe saudaa mujhe
ek dil de kar khudaa ne de diyaa kyaa kyaa mujhe

kaaghaz ki ye mahak ye nasha ruThne ko hai
ye aakhiri sadi hai kitaabon se 'ishq ki

bhare hon aankh mein aansu khamida gardan ho
to khaamushi ko bhi izhaar-e-muddaaa kahiye