mujhe raas viraaniyaan aa gai hain — Neeraj Goswami

tum se mil kar der talak
achchhi lagti tanhaai

hai jin ke baazuon mein dam vo dariyaa paar kar leinge
bahut mumkin hai Dubein vo jo baiThe hain safine mein

ghuTan taDpan udaasi ashk rusvaai akelaa-pan
baghair in ke adhuri ishq ki har ik kahaani hai

sochtaa huun ye soch kar main use
vo bhi aise hi sochtaa hai mujhe

ajab ye daur aayaa hai ki jis mein
ghalat kuchh bhi nahin sab kuchh sahi hai

Daal diin bhuke ko jis mein roTiyaan
vo samajh puujaa ki thaali ho gai

mere khvaabon ke jharokon ko sajaate rahiye
na sahi vasl magar yaad to aate rahiye

is hi buniyaad par kyuun na mil jaaein ham
aap tanhaa bahut ham akele bahut

lipTaa ke shab-e-vasl vo us shokh kaa kahnaa
kuchh aur havas is se ziyaada to nahin hai

shab ki tanhaaiyon mein yaad us ki
jhilmilaataa huaa diyaa jaise

yaad kaa kyaa hai aa gai phir se
aankh kaa kyaa hai phir se ro li hai

nau-javaanon ko dekh kar 'haatim'
yaad ahd-e-shabaab aave hai