tum se mil kar der talak — Neeraj Goswami

hai jin ke baazuon mein dam vo dariyaa paar kar leinge
bahut mumkin hai Dubein vo jo baiThe hain safine mein

mujhe raas viraaniyaan aa gai hain
tiri yaad bhi ab sataati nahin hai

ghuTan taDpan udaasi ashk rusvaai akelaa-pan
baghair in ke adhuri ishq ki har ik kahaani hai

sochtaa huun ye soch kar main use
vo bhi aise hi sochtaa hai mujhe

ajab ye daur aayaa hai ki jis mein
ghalat kuchh bhi nahin sab kuchh sahi hai

Daal diin bhuke ko jis mein roTiyaan
vo samajh puujaa ki thaali ho gai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

parind shaakh pe tanhaa udaas baiThaa hai
uDaan bhuul gayaa muddaton ki bandish mein

ab ke safar mein dard ke pahlu ajiib hain
jo log ham-khayaal na the ham-safar hue

ghar mein kyaa gham ke sivaa thaa jo bahaa le jaataa
meri viraani pe hanstaa rahaa dariyaa us kaa