khush-haal ghar sharif tabiat sabhi kaa dost — Nida Fazli

ek be-chehra si ummid hai chehra chehra
jis taraf dekhiye aane ko hai aane vaalaa

kuchh bhi bachaa na kahne ko har baat ho gai
aao kahin sharaab piyein raat ho gai

apne lahje ki hifaazat kijiye
sher ho jaate hain naa-maalum bhi

ghi misri bhi bhej kabhi akhbaaron mein
kai dinon se chaae hai kaDvi yaa allaah

zaruri kyaa har ik mahfil mein baiThein
takalluf ki ravaa-daari se bachiye

yuun to qadam qadam pe hai divaar saamne
koi na ho to khud se ulajh jaanaa chaahiye

jab ki pahlu se yaar uThtaa hai
dard be-ikhtiyaar uThtaa hai

vaqt ne ye kahaa hai ruk ruk kar
aaj ke dost kal ke begaane

dard ke mausam kaa kyaa hogaa asar anjaan par
dosto paani kabhi ruktaa nahin Dhalvaan par

ik jang thi vo garmi-e-guftaar nahin thi
donon ki anaa miTne ko tayyaar nahin thi

ajiib vaqt hai ab doston ke chaaqu ko
mire qalam ki nahin ungliyon ki hasrat hai

kab alam aur hasratein apni kahein ai dostaan
raat ko bulbul hain ham aur din ko parvaane hain ham