ajiib vaqt hai ab doston ke chaaqu ko — Raza Ashk

daaman bachaa ke aaiyo mere mazaar tak
ai jaan-e-nau-bahaar uge hain idhar babul

rah-e-hayaat kaa main aisaa ik musaafir thaa
ki jaise shahr ki saDkon se bus kaa rishta thaa

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

jab ki pahlu se yaar uThtaa hai
dard be-ikhtiyaar uThtaa hai

firaaq-e-yaar ke dukhDe sunaaeinge kab tak
ki saama'in bhi mauzu' jadid chaahte hain

firaaq-e-yaar ne bechain mujh ko raat bhar rakkhaa
kabhi takiya idhar rakkhaa kabhi takiya udhar rakkhaa