chhaate matlab kho dete hain — Nishant Shrivastava Nayab

vo chaahte hain ki manzil kaa zikr to aae
magar kahaani se rasta haTaa liyaa jaae

ye ishq hi thaa jis se mili shohratein tumhein
varna tumhaaraa shahr tumhein jaantaa na thaa

sivaa us ke na koi aur meraa dost ban paae
vo is Dar se zamaana mein mujhe badnaam kartaa hai

dhuup jhumke pe jab paDi us ke
Dar ke suraj ne pher li aankhein

chuDiyaan kyuun utaar diin tum ne
subhein kitni udaas rahti hain

khulte khulte mujh pe khulaa ye
main bhi duniyaa ke jaisaa huun

pyaaso raho na dasht mein baarish ke muntazir
maaro zamin pe paanv ki paani nikal paDe

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas

'saabir' teraa kalaam sunein kyuun na ahl-e-fan
bandish ajab hai aur ajab bol chaal hai

azal se dil hai sajda mein tire abru ke masjid mein
uThaataa sar nahin ab tak namaazi us ko kahte hain

dil ko maaraa chashm ne abru ki talvaaron se aaj
kyuun bhiDaa thaa jaa ke ye hushiyaar mai-khvaaron se aaj

ik dhuup si tani hui baadal ke aar-paar
ik pyaas hai ruki hui jharne ke baavajud