jhagDaa thaa jo dil pe us ko chhoDaa — Qalaq Merathi

naala kartaa huun log sunte hain
aap se meraa kuchh kalaam nahin

amn aur tere ahd mein zaalim
kis tarah khaak-e-rahguzar baiThe

har sang mein kaabe ke nihaan ishva-e-but hai
kyaa baani-e-islaam bhi ghaarat-gar-e-din thaa

ham us kuche mein uThne ke liye baiThe hain muddat se
magar kuchh kuchh sahaaraa hai abhi be-dast-o-paai kaa

tu hai harjaai to apnaa bhi yahi taur sahi
tu nahin aur sahi aur nahin aur sahi

kufr aur islaam mein dekhaa to naazuk farq thaa
dair mein jo paak thaa kaabe mein vo naapaak thaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jab bhi aql banaati hai pahlaa misraa
dil ko misra-e-saani honaa paDtaa hai

shaagird-e-rashid aap saa huun shaikh-ji saahib
kuchh ilm o amal tum ne na shaitaan mein chhoDaa

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

dil to saada hai teri har baat ko sachchaa maantaa hai
aql ne baatein karte teraa aankh churaanaa dekhaa hai