har vaqt mahviyat hai yahi sochtaa huun main — Qamar Jalalvi

sunaa hai ghair ki mahfil mein tum na jaaoge
kaho to aaj sajaa luun gharib-khaane ko

nasheman khaak hone se vo sadma dil ko pahunchaa hai
ki ab ham se koi bhi raushni dekhi nahin jaati

zaraa ruuTh jaane pe itni khushaamad
'qamar' tum bigaaDoge aadat kisi ki

'qamar' afshaan chuni hai rukh pe us ne is saliqe se
sitaare aasmaan se dekhne ko aae jaate hain

unhein khat mein likkhaa thaa dil muztarib hai javaab un kaa aayaa mohabbat na karte
tumhein dil lagaane ko kis ne kahaa thaa bahal jaaegaa dil bahalte bahalte

zabt kartaa huun to ghuTtaa hai qafas mein miraa dam
aah kartaa huun to sayyaad khafaa hotaa hai

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

koi dariyaa ki taraf jaane ko tayyaar nahin
haath sab ke hain magar koi 'alam-daar nahin

main ajnabi huun magar tum kabhi jo sochoge
koi qarib kaa rishta zarur niklegaa

ye marnaa jiinaa bhi shaayad majburi ki do lahrein hain
kuchh soch ke marnaa chaahaa thaa kuchh soch ke jiinaa chaahaa hai

qulzum-e-fikr mein hai kashti-e-imaan saalim
naa-khudaa husn hai aur ishq hai langar apnaa