puchhte kyaa ho muddaaa kyaa hai — Qavi Amrohvi

kyaa ghaur se ai jaan-e-jahaan dekh rahe ho
tum saa koi aaine ke andar to nahin hai

kyuun maang rahe ho kisi baarish ki duaaein
tum apne shikasta dar-o-divaar to dekho

bahut se rog duaa maangne se jaate hain
ye baat khugar-e-rasm-e-davaa se kaun kahe

tiri duaaein bhi shaamil hain koshishon mein miri
musibaton kaa na Talnaa ajiib lagtaa hai

dil-e-aafat-zada kaa muddaaa kyaa
shikasta saaz kyaa us ki sadaa kyaa

duaa ye hai na hon gumraah ham-safar mere
'khumaar' main ne to apnaa safar tamaam kiyaa

aae hain sunte ki aisaa vaqt bhi aataa hai jab
ho davaa yaa phir duaa kuchh kaargar hotaa nahin