tiri duaaein bhi shaamil hain koshishon mein miri — Sarfaraz Khalid

kisi ne jaan hi luTaa di vafaaon ki khaatir
tum hi bataao ki qissa ye kis kitaab kaa hai

lambi hai bahut aaj ki shab jaagne vaalo
aur yaad mujhe koi kahaani bhi nahin hai

vo bhi na aayaa umr-e-guzishta ke misl hi
ham bhi khaDe rahe dar-o-divaar ki tarah

siyaah raat ke pahlu mein jism ke andar
kisi gunaah ki khvaahish ko paalte rahnaa

milte ho to ab tum bhi bahut rahte ho khaamosh
kyaa tum ko bhi ab meri khabar hone lagi hai

ham kisi aur vaqt ke hain asiir
subh ke shaam ke rahe hi nahin

asar duaaon mein hotaa hai kis qadar 'maaruf'
balaaein dekhi hain ham ne saron se Talte hue

kisi ne chuum ke aankhon ko ye duaa di thi
zamin teri khudaa motiyon se nam kar de

bahut hi kam ko mili hain mohabbatein 'jaanif'
ziyaada-tar ko to mahbub ne du'aa di hai

zavaal-e-asr hai kuufe mein aur gadaagar hain
khulaa nahin koi dar baab-e-iltijaa ke sivaa

muddaaa duur tak gayaa lekin
aarzu lauT kar nahin aai

har-dam yahi duaa hai khudaa ki janaab mein
aa jaae yaar khud mire khat ke javaab mein