bhaunron ko gulistaan mein kaliyon ne hain di datein — Raja Mehdi Ali Khan

jab apnaa dukh sunaaun qamar ke pidar ko main
kahte hain dekh aag lagaa dungaa ghar ko main

vo sab aa ke izhaar-e-maatam kareinge
vo baiThak mein roeinge chaae piyeinge

buri buri nazrein chehre par Daal rahe hain uf tauba
ham apne donon gaalon ko jaa ke abhi dho aaeinge

bismillaah are-vaah main qurbaan main qurbaan
kyaa khuub lagi hai kamand allaah tiri shaan

pahle ham ko bahan kahaa ab fikr hamin se shaadi ki
ye bhi na sochaa bahan se shaadi kar ke kyaa kahlaaeinge

main tum pe huun 'jaan-nisaar-akhtar' qasam hai 'munshi-fidaa-ali' ki
bahut dinon se main tum pe 'saahir' se jaadu Tone karaa rahaa huun

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

main to mushtaaq huun aandhi mein bhi uDne ke liye
main ne ye shauq ajab dil ko lagaa rakkhaa hai

chaahi thi dil ne tujh se vafaa kam bahut hi kam
shaayad isi liye hai gilaa kam bahut hi kam

kis tarah karein tujh se gila tere sitam kaa
madhosh ishaaron ne bhi dil toD diyaa hai

tasvir-e-zindagi mein nayaa rang bhar gae
vo haadse jo dil pe hamaare guzar gae