naaz-e-bejaa uThaaiye kis se — Rind Lakhnavi

maut aa jaae qaid mein sayyaad
aarzu ho agar rihaai ki

ham jo kahte hain saraasar hai ghalat
sab bajaa aap jo farmaaiyegaa

kaafir huun na phunkun jo tire kaabe mein ai shaikh
naaqus baghal mein hai musallaa na samajhnaa

mai pilaa aisi ki saaqi na rahe hosh mujhe
ek saaghar se do aalam hon faraamosh mujhe

mai-kash huun vo ki puchhtaa huun uTh ke hashr mein
kyuun ji sharaab ki hain dukaanein yahaan kahin

agari kaa hai gumaan shak hai malaagiri kaa
rang laayaa hai dupaTTa tiraa mailaa ho kar

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

khvaahishon ne Dubo diyaa dil ko
varna ye bahr-e-be-karaan hotaa

izhaar-e-haal kaa bhi zariya nahin rahaa
dil itnaa jal gayaa hai ki aankhon mein nam nahin

uThaa hijaab to bas din-o-dil diye hi bani
janaab-e-shaikh ko daavaa thaa paarsaai kaa

tumhaare dil se kudurat miTaae to jaanein
khulaa hai shahr mein ik mahkama safaai kaa