baad mein rakhe saraabon ke dayaaron mein qadam — Riyaz Latif

kabhi to manzaron ke is tilism se ubhar sakun
khaDaa huun dil ki sath par khud apne intizaar mein

kisi ne ham ko ataa nahin ki hamaari gardish hai apni gardish
khud apni marzi se is jahaan ki ragon mein girdaab ham hue hain

bas lahu ki buund thi ehsaas mein
phir ugaayaa dasht ne ik sar nayaa

khudaa ki khamoshi mein shaayad ho us kaa vajud
zamaana huaa naam apnaa pukaare hue

zamin phail gai hai hamaari ruuh talak
jahaan kaa shor ab andar sunaai detaa hai

yahin par khatm honi chaahiye thi ek duniyaa
yahin se baat kaa aaghaaz honaa chaahiye thaa

jab ki pahlu se yaar uThtaa hai
dard be-ikhtiyaar uThtaa hai

sabhi to dost hain kyuun shak abas huaa mujh ko
kisi ke haath kaa patthar miri talaash mein hai

jab se kuchh qaabu hai apnaa kaakul-e-khamdaar par
saanp har dam loTtaa hai sina-e-aghyaar par

kuchh samajh kar us mah-e-khubi se ki thi dosti
ye na samjhe the ki dushman aasmaan ho jaaegaa

koi qarya koi dayaar ho kahin ham akele nahin rahe
tiri justuju mein jahaan gae vahin saath dar-badari rahi

is shokhi-e-guftaar par aataa hai bahut pyaar
jab pyaar se kahte hain vo shaitaan kahin kaa