aarzu-e-visaal tere liye — Riyaz Shahid

Daaltaa hai dhamaal dil goyaa
'ishq ke baa'd is ki baari hai

chaahat ki bhalaa kaun sune raam-kahaani
is shahr ke sab log hain bahre use kahnaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

rang badlaa yaar ne vo pyaar ki baatein gaiin
vo mulaaqaatein gaiin vo chaandni raatein gaiin

ahl-e-zabaan to hain bahut koi nahin hai ahl-e-dil
kaun tiri tarah 'hafiz' dard ke giit gaa sake

haath rakh rakh ke vo siine pe kisi kaa kahnaa
dil se dard uThtaa hai pahle ki jigar se pahle