chaahat ki bhalaa kaun sune raam-kahaani — Riyaz Shahid

aarzu-e-visaal tere liye
dil nahin haaraa jaan haari hai

Daaltaa hai dhamaal dil goyaa
'ishq ke baa'd is ki baari hai

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

gulaabon ke honTon pe lab rakh rahaa huun
use der tak sochnaa chaahtaa huun

phir vahi ham the vahi tum the mohabbat the vahi
sulh kar lete agar aankhein laDaane ke liye

yuun mohabbat se jo chaahe koi apnaa kar le
jo hamaaraa na ho us ke kahin ham hote hain