zulf ki shaam subh chehre ki — Sabir Dutt

ye kaisi siyaasat hai mire mulk pe haavi
insaan ko insaan se judaa dekh rahaa huun

phir laai hai barsaat tiri yaad kaa mausam
gulshan mein nayaa phuul khilaa dekh rahaa huun

ji bhar ke tumhein dekh luun taskin ho kuchh to
mat shama bujhaao ki abhi raat bahut hai

log karte hain khvaab ki baatein
ham ne dekhaa hai khvaab aankhon se

rukh un kaa kahin aur nazar aur taraf hai
kis samt se aati hai qazaa dekh rahaa huun

muddaton baad uThaae the puraane kaaghaz
saath tere miri tasvir nikal aai hai

aankhon mein meri subh-e-qayaamat gai jhamak
siine se us pari ke jo parda ulaT gayaa

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

phuTne vaali hai mazdur ke maathe se kiran
surkh parcham ufuq-e-subh pe lahraate hain

kitaab ziist mein baab-e-alam bhi ho mahfuz
siyaah-raat kaa manzar sahar mein rakkhaa jaae

subh tak main sochtaa huun shaam se
ji rahaa hai kaun mere naam se

tujh se mil ke bhi teraa intizaar rahtaa hai
subh ru-e-khandaan se shaam zulf-e-barham tak