ye kaisi siyaasat hai mire mulk pe haavi — Sabir Dutt

phir laai hai barsaat tiri yaad kaa mausam
gulshan mein nayaa phuul khilaa dekh rahaa huun

ji bhar ke tumhein dekh luun taskin ho kuchh to
mat shama bujhaao ki abhi raat bahut hai

log karte hain khvaab ki baatein
ham ne dekhaa hai khvaab aankhon se

zulf ki shaam subh chehre ki
yahi mausam janaab de diije

rukh un kaa kahin aur nazar aur taraf hai
kis samt se aati hai qazaa dekh rahaa huun

muddaton baad uThaae the puraane kaaghaz
saath tere miri tasvir nikal aai hai

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

aate hain yaad mujh ko vo aazaadiyon ke din
hotaa thaa main bhi ek kunvaara ki haae haae

khudaa ne aaj tak us qaum ki haalat nahin badli
na ho jis ko khayaal aap apni haalat ke badalne kaa

mulk ki galiyaan lahu piine ki aadi ho na jaaein
ye taassub zahr kaa zehnon mein bharnaa chhoD de

'munir' is mulk par aaseb kaa saaya hai yaa kyaa hai
ki harkat tez-tar hai aur safar aahista aahista

vahi jiine ki aazaadi vahi marne ki jaldi hai
divaali dekh li ham ne dasahre kar liye ham ne