gumaan na thaa ki lifaafe mein khat ke badle vo — Sadiq

uThaa hi laayaa sabhi raaste vo kaandhon par
yaqin us pe na kartaa to main kidhar jaataa

fursat ho to ye jism bhi miTTi mein dabaa do
lo phir main zamaan aur makaan se nikal aayaa

apne gale pe chalti chhuri kaa bhi dhyaan rakh
vo tez hai yaa kund zaraa dhaar dekh le

kaaT aagaahiyon ki fasl magar
zehan mein kuchh nae savaal ugaa

un ki yaad mein bahte aansu khushk agar ho jaaeinge
saat samundar apni khaali aaankhon mein bhar laaungaa

is ghumti zamin kaa mehvar hi toD do
be-kaar gardishon pe khafaa ho rahe huun kyuun

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

yuun to milne ko log milte hain
dil magar kam kisi se miltaa hai

pahlaa qadam hi aakhiri ziine pe rakh diyaa
yaa'ni jo dil kaa bojh thaa siine pe rakh diyaa

dil jalaao yaa diye aankhon ke darvaaze par
vaqt se pahle to aate nahin aane vaale

vaqt ke saath 'sadaa' badle ta'alluq kitne
tab gale milte the ab haath milaayaa na gayaa