apne gale pe chalti chhuri kaa bhi dhyaan rakh — Sadiq

uThaa hi laayaa sabhi raaste vo kaandhon par
yaqin us pe na kartaa to main kidhar jaataa

fursat ho to ye jism bhi miTTi mein dabaa do
lo phir main zamaan aur makaan se nikal aayaa

kaaT aagaahiyon ki fasl magar
zehan mein kuchh nae savaal ugaa

gumaan na thaa ki lifaafe mein khat ke badle vo
lahu-luhaan taDapti zabaan rakh degaa

un ki yaad mein bahte aansu khushk agar ho jaaeinge
saat samundar apni khaali aaankhon mein bhar laaungaa

is ghumti zamin kaa mehvar hi toD do
be-kaar gardishon pe khafaa ho rahe huun kyuun

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

ai sabaa main bhi thaa aashufta-saron mein yaktaa
puchhnaa dilli ki galiyon se miraa naam kabhi

paagal kiyaa hai ishq ne aadhaa jo rah gayaa
ab aadhe sar ke dard kaa puuraa mariz huun

dil ki haalat puchhne vaalo
dekho koi phuul masal ke