zulf-e-barham ki jab se shanaasaa hui — Saghar Siddiqui

ab shahr-e-aarzu mein vo raanaaiyaan kahaan
hain gul-kade niDhaal baDi tez dhuup hai

kal jinhein chhu nahin sakti thi farishton ki nazar
aaj vo raunaq-e-baazaar nazar aate hain

charaagh-e-tur jalaao baDaa andheraa hai
zaraa naqaab uThaao baDaa andheraa hai

log kahte hain raat biit chuki
mujh ko samjhaao! main sharaabi huun

ye zulf-bar-dosh kaun aayaa ye kis ki aahaT se gul khile hain
mahak rahi hai fazaa-e-hasti tamaam aalam bahaar saa hai

teri surat jo ittifaaq se ham
bhuul jaaein to kyaa tamaashaa ho

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

main sang-e-mil thaa to ye karnaa paDaa mujhe
taa-umr raaste mein Thaharnaa paDaa mujhe

zindagi jis ne talkh ki meri
vo mujhe zindagi se pyaaraa hai

aankh se kis ne raushni maangi
khvaab ke naam zindagi maangi