ab ke vo aise safar par kyaa gae — Sahil Ahmad

un se ai dost miraa yuun koi rishta to na thaa
kyuun phir is tark-e-taalluq se pashemaan thaa main

sher guphaa se niklegaa
shor machegaa jangal mein

ro paDin aankhein bahut 'saahil' miri
jab kisi ne haath sar par rakh diyaa

bakri ''mein-mein'' karti hai
bakraa zor lagaataa hai

kal talak sahraa basaa thaa aankh mein
ab magar kis ne samundar rakh diyaa

kyuun chamak uThti hai bijli baar baar
ai sitamgar le na angDaai bahut

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

yuun to maujud apne ghar mein hai
aadmi mustaqil safar mein hai

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

safar mein aise kai marhale bhi aate hain
har ek moD pe kuchh log chhuT jaate hain

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai