sher guphaa se niklegaa — Sahil Ahmad

un se ai dost miraa yuun koi rishta to na thaa
kyuun phir is tark-e-taalluq se pashemaan thaa main

ro paDin aankhein bahut 'saahil' miri
jab kisi ne haath sar par rakh diyaa

bakri ''mein-mein'' karti hai
bakraa zor lagaataa hai

kal talak sahraa basaa thaa aankh mein
ab magar kis ne samundar rakh diyaa

kyuun chamak uThti hai bijli baar baar
ai sitamgar le na angDaai bahut

ab ke vo aise safar par kyaa gae
phir dobaara lauT kar aae nahin

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

gul kiyaa jis ne vo thaa aur magar
shama ne shikva havaaon se kiyaa

surkh hon kyuun na phuul gulshan ke
chuste hain lahu anaadil kaa

nikhar gae hain pasine mein bhiig kar aariz
gulon ne aur bhi shabnam se taazgi paai