raaegaan ho rahi thi tanhaai — Sajid Hameed

dard itnaa bhi nahin hai ki chhupaa bhi na sakun
bojh aisaa bhi nahin hai ki uThaa bhi na sakun

munjamid thaa lahu rag-o-pai mein
teri aamad hayaat le aai

aisi aag falak se barsegi ik din
khaak havaa paani patthar jal jaaeinge

samajh mein vaqt kaa aayaa karishma
nazar khud par jo Daali hai dinon baad

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

dard zanjir ki surat hai dilon mein maujud
is se pahle to kabhi is ke ye pairaae na the

jama kar ke dard saare tu ne paidaa dil kiyaa
kah tu ai dast-e-qazaa is se kyaa haasil kiyaa

sadiyon se main jiine ki sazaa kaaT rahaa huun
saanson ki salibon pe huun laTkaayaa huaa saa