tere shaidaa bhi hue ishq-e-tamaashaa bhi hue — Sajjad Baqar Rizvi

pahle chaadar ki havas mein paanv phailaae bahut
ab ye dukh hai paanv kyuun chaadar se baahar aa gayaa

shahr ke aabaad sannaaTon ki vahshat dekh kar
dil ko jaane kyaa huaa main shaam se ghar aa gayaa

hamaare dam se hai raushan dayaar-e-fikr-o-sukhan
hamaare baad ye galiyaan dhuaan dhuaan hongi

man dhan sab qurbaan kiyaa ab sar kaa saudaa baaqi hai
ham to bike the aune-paune pyaar ki qimat kam na hui

miraa ghazaal ki vahshat thi jis ko saae se
lipaT gayaa mire siine se aadmi ki tarah

TuuT paDti thiin ghaTaaein jin ki aankhein dekh kar
vo bhari barsaat mein tarse hain paani ke liye

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

buraa ho ishq kaa sab kuchh samajh rahaa huun main
banaa rahaa hai koi ban rahaa huun divaana

mohabbat kaa rasta ajab garm thaa
qadam jab dharaa khaak par jal gayaa

sulh-e-kul mein miri guzre hai mohabbat ke biich
na to takraar hai kaafir se na din-daar se bahs