main sahraa jaa ke qabr-e-hazrat-e-majnun ko dekhaa thaa — Wali Uzlat

tiri vahshat ki sarsar se uDaa juun paat aandhi kaa
miraa dil haath se khoyaa to tere haath kyaa aayaa

jaave thi jaasusi-e-majnun ko taa raahat na le
varna kab lailaa ko thaa sahraa mein jaane kaa dimaagh

ishq gore husn kaa aashiq ke dil ko de jalaa
saanvlon ke aashiqon kaa dil hai kaalaa koelaa

jaa kar fanaa ke us taraf aasuda main huaa
main aalam-e-adam mein bhi dekhaa maza na thaa

ham us ki zulf ki zanjir mein hue hain asiir
sajan ke sar ki balaa aa paDi hamaare gale

vo pal mein jal-bujhaa aur ye tamaam raat jalaa
hazaar baar patinge se hai charaagh bhalaa

jab ki pahlu se yaar uThtaa hai
dard be-ikhtiyaar uThtaa hai

kaanTe se bhi nichoD li ghairon ne bu-e-gul
yaaron ne bu-e-gul se bhi kaanTaa banaa diyaa

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

zindagi sundar ghazal hai dosto
zindagi ko gungunaanaa chaahiye

main ab har shakhs se uktaa chukaa huun
faqat kuchh dost hain aur dost bhi kyaa

ham ko yaaron ne yaad bhi na rakhaa
'jaun' yaaron ke yaar the ham to