hai mubtalaa-e-ishq-e-butaan meraa doctor — Sarfaraz Shahid

mahsus huaa sun ke taqaarir-e-mughallaz
ab ahl-e-siyaasat mein bhi chirkin bahut hain

bajaT ki kai sakhtiyaan aur bhi hain
''abhi ishq ke imtihaan aur bhi hain''

avaamunnaas ko aise dabochaa hai giraani ne
ki jaise cat ke panje mein koi rat hotaa hai

surur-e-jaan-fazaa deti hai aaghosh-e-vatan sab ko
ki jaise bhi hon bachche maan ko pyaare ek jaise hain

aqd-e-saani kaa mazaa puchaa to bole shaikh-ji
aise lagtaa hai chikan chakkhaa hai tarkaari ke baad

kuchh mah-jabin libaas ke fashion ki dauD mein
paabandi-e-libaas se aage nikal gae

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

sakht jaan-levaa hai saadgi mohabbat ki
zahr ki kasauTi par zindagi ko kasti hai

ye maajraa-e-mohabbat samajh mein aa na sakaa
vo haath aae to main haath unhein lagaa na sakaa

imaarat dair o masjid ki bani hai iinT o patthar se
dil-e-viraana ki kis chiiz se taamir hoti hai

ham ko mili hai ishq se ik aah-e-soz-naak
vo bhi usi ki garmi-e-baazaar ke liye