zalzala aayaa makaan girne lagaa — Shumaila Bahzad

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

tiri tasvir uThaai hui hai
raushni khvaab mein aai hui hai

raaton ko jaagte hain isi vaaste ki khvaab
dekhegaa band aankhein to phir lauT jaaegaa