agar bichhaDne kaa us se koi malaal nahin — Shabana Yousaf

abhi se chhoTi hui jaa rahi hain divaarein
abhi to beTi zaraa si miri baDi hui hai

mujh ko bhi kar degaa rusvaa vo zamaane bhar mein
khud bhi ho jaaegaa badnaam yahi lagtaa hai

ik yahi soch bichhaDne nahin deti tujh se
ham tujhe baad mein phir yaad na aane lag jaaein

khud charaaghon ko andheron ki zarurat hai bahut
raushni ho to unhein log bujhaane lag jaaein

mere aane ki khabar sun ke vo dauDaa aataa
us ko pahunchaa nahin paighaam yahi lagtaa hai

ye to sochaa hi nahin us ko judaa karte hue
chun liyaa hai gham bhi khushiyon ko rihaa karte hue

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

har ghaDi vahm mein guzre hain nae akhbaaraat
tire kuche mein gumaan apnaa ye jaasus huaa

guzri siyaahkaari mein yaa rab tamaam umr
aadhi shabaab mein kaTi aadhi khizaab mein

aaj pi lene de saaqi mujhe ji lene de
kal miri raat khudaa jaane kahaan guzregi