kis ne ki hain ye botalein khaali — Shad Siddiqi

adab itnaa ki qadmon mein paDe hain
anaa itni ki lanka khaak kar dein

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

bataa khud ko bhalaa kaise sanvaarun
mujhe gham aainon mein dikh rahaa hai

us pe qurbaan ki jis ne tiri aavaaz suni
sadqe us aankh ke jis ne tiraa jalva dekhaa

is dard-e-judaai se kahin jaan nikal jaae
'aazurdaa' mire haq mein zaraa yuun bhi duaa kar