niind aae to achaanak tiri aahaT sun luun — Shahzad Ahmad

ab to insaan ki azmat bhi koi chiiz nahin
log patthar ko khudaa maan liyaa karte the

zabaanein thak chukin patthar hue kaan
kahaani an-kahi thi an-kahi hai

ek se manzar dekh dekh kar aankhein dukhne lagti hain
is raste par peD bahut hain aur haraa koi bhi nahin

khule asraar us par jism ke aahista aahista
bahut din mein use baatein na karne kaa hunar aayaa

bharpur nahin hain kisi chehre ke khad-o-khaal
dekhaa nahin vo chaand jo puuraa nazar aae

khuli fazaa mein agar laDkhaDaa ke chal na sakein
to zahr piinaa hai behtar sharaab piine se

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

khairaat mein de aayaa huun jiiti hui baazi
duniyaa ye samajhti hai ki main haar gayaa huun

raat ke lamhaat khuni daastaan likhte rahe
subh ke akhbaar mein haalaat behtar ho gae

tum aake lauT gae phir bhi ho yahin maujud
tumhaare jism ki khushbu mire makaan mein hai