maalum jo hotaa hamein anjaam-e-mohabbat — Shaikh Ibrahim Zauq

'zauq' jo madrase ke bigDe hue hain mullaa
un ko mai-khaane mein le aao sanvar jaaeinge

ek aansu ne Duboyaa mujh ko un ki bazm mein
buund bhar paani se saari aabru paani hui

behtar to hai yahi ki na duniyaa se dil lage
par kyaa karein jo kaam na be-dil-lagi chale

naaz hai gul ko nazaakat pe chaman mein ai 'zauq'
us ne dekhe hi nahin naaz-o-nazaakat vaale

bosa jo rukh kaa dete nahin lab kaa dijiye
ye hai masal ki phuul nahin pankhuDi sahi

in dinon garche dakan mein hai baDi qadr-e-sukhan
kaun jaae 'zauq' par dilli ki galiyaan chhoD kar

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

kahaan itni khabar umr-e-mohabbat kis tarah guzri
tiraa hi dard thaa mujh ko jahaan tak yaad aataa hai

ishq abhi se tanhaa tanhaa
hijr ki bhi aai nahin naubat

tiraa 'firaaq' to us din tiraa firaaq huaa
jab un se pyaar kiyaa main ne jin se pyaar nahin

naa-khalaf bas-ki uThi ishq o junun ki aulaad
koi aabaad-kun-e-khaana-e-zanjir nahin