behtar to hai yahi ki na duniyaa se dil lage — Shaikh Ibrahim Zauq

'zauq' jo madrase ke bigDe hue hain mullaa
un ko mai-khaane mein le aao sanvar jaaeinge

ek aansu ne Duboyaa mujh ko un ki bazm mein
buund bhar paani se saari aabru paani hui

maalum jo hotaa hamein anjaam-e-mohabbat
lete na kabhi bhuul ke ham naam-e-mohabaat

naaz hai gul ko nazaakat pe chaman mein ai 'zauq'
us ne dekhe hi nahin naaz-o-nazaakat vaale

bosa jo rukh kaa dete nahin lab kaa dijiye
ye hai masal ki phuul nahin pankhuDi sahi

in dinon garche dakan mein hai baDi qadr-e-sukhan
kaun jaae 'zauq' par dilli ki galiyaan chhoD kar

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

rail-gaaDi ke safar mein ye huaa hai aksar
log baiThe hue saamaan badal dete hain

ye to nahin ki khvaab mein duniyaa badal gai
bedaar jab hue to tasavvur nayaa milaa

qismaton se milaa hai dard hamein
kahin aaraam-e-dil na ho jaae

hamaari dosti se dushmani sharmaai rahti hai
ham akbar hain hamaare dil mein jodhaabaai rahti hai