'aql-o-daanish shu'ur kuchh bhi nahin — Shaista Mehjabeen

jin ke baghair lagti thi be-kaar zindagi
un se hi baat karne ki hasrat nahin rahi

mujh ko uljhan si hone lagti hai
baat jab der tak nahin hoti

itni si zindagi mein itni laDaaiyaan
kyaa ho gayaa hai ham ko kyaa kar rahe hain ham

chaae piine ki lat chhuDaane ko
jaane kitne hi cup badal Daale

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

khairaat dene vaalaa pahle ye sochtaa hai
jo de rahaa huun us ke badle mein kyaa milegaa

main zindagi kaa saath nibhaataa chalaa gayaa
har fikr ko dhuein mein uDaataa chalaa gayaa

abhi zinda huun lekin sochtaa rahtaa huun khalvat mein
ki ab tak kis tamannaa ke sahaare ji liyaa main ne

tum apne baare mein kuchh der sochnaa chhoDo
to main bataaun ki tum kis qadar akele ho